مكنتش اتصور !!
في يوم زي أي يوم ...ما تعرفش ايه سر النشاط الي خلاك تقوم بدري الساعه 9 علي غير عادتك الموخمة ...تحس بجد ان اليوم دا واضح انه مختلف، وهيبقي مليان بهاليز !!!
دا بالظبط الي حصل لي ...يوم الاتنين الي فات، صاحية في آمان الله، وكعادة كل الناس المدمنيين الي زي اول حاجة بيعملوها الشاي والكمبيوتر بيتفتح
اول ما فتحت الماسنجر واتكلمت ...عرفت انا ليه صحيت بدري النهاردة
عشان يجي حد بكل بساطة يقلب عليك سنة كاملة ويفكرك بكل حاجة عانيت منها ...ويقولك أنا آسف
حقيقي تشكر أيها الحد ...بجد ثانكس كتتتتير...عارفة انك بذلت مجهود كبير عشان تقولها ..عارفة انها خدت تفكير منك كبير
بس انا عاوزة أقول حاجة ...آسف مش آسف فالاتنين عندي واحد...لأني الحقيقة مش بزراير بكلمة أنسي كل الي فات
آه لو تعرف أيها الحد انا ساعتها كنت حاسه اني تعبانة ازاي ...
بس الي الله يكون ربه عمره ما يتعب أبدا ....سبحااااانك ربي
علي الرغم من آسفي وحزني علي تذكر سنة من احتراقات في الاعصاب بشكل مستمر الا ان اليوم انتهي بأبتساااامة عريضة علي وشي ...واني كنت ماشية في الشارع زي الهبلة الي مسكوها طبلة بالظبط من كتر فرحتي ان أخيرا ...الصورة أكتملت
وبمناسبة أكتمال الصورة، أحب انزل حاجة صغيرة اوي كنت كاتباها زمان تقولوش قلبي حاسس !!
أتذكرك دوما ..حين تتساقط الاقنعة
فأنت أول من أثقلت الذاكرة بلحظات سقوطها
كم كانت قاسية ...مؤلمة
أتذكرها فترتخي الأعصاب...وترتعش الاطراف ويتوقف التنفس
كأول مرة فيها تجردت من ملابسك التنكرية
كأول مرة فيها رايتك كما انت
كم هو مفجع ان تكتشف أنك أخطأت الاختيار
وبس بس ...خلص اليوم بأنهيارات جماعية ...وانتصارات جماعية
ملحوظة: عندي شعور انكم مش هتفهموا حاجة ...محلش أصله هو اصلا موضوع مش مفهوم
20 comments :
مكنتش اتصور
حلو العنوان ... بس مكنتيش تتصورى ايه ؟؟ انك تخشى الماسنجر وتتكلمى ويتقالك كله اسف؟ بجد الحد دا كنتى لازم تتوقعى منه الكلمه دى من زمان .. لان العلاقه بالحد دا اصلا مكنتش ..... من الاول ... والمفروض كنتى تتوقعى اسف قبل السنه ... بيتهيالى اتخرت شويه .... بس عارفه .. كلمه اسف برضه احسن من مفيش ... فى ناس تانيه مش بتقول حاجه خالص
وعجبتينى اوى لما قلتى عادى ... وانك مهمكيش ... وياريتك مكنتى قمتى بدرى ولا فتحتى الماسنجر.. اسف يا زمن... بس كان هييجى اليوم اللى هيتقالك فيه اسف يا ... يا زمن
ربنا يوفقك يا جورنالستا ي رب والحد دا برضه ربنا هيوفقه وهيعمل فيه زى ما اتعمل فيكى وهيتقاله اسف.. دا اذا مكنتش اتقالتله من حد ...!! ههههههه
الفكرة مش انه يتقالك اسف او لا متاخر
بس طعم رد الاعتبار من ربنا للعبد كبيرة
طعم ان حد ظلمك ييجي يقولك انا متبهدل بسبب اللى عملته فيكي حلوة اوى
بتحسي بسرعة حساب ربنا بجد.. كلنا مؤمنين بايات ربنا واسماء الله الحسنى بس لما تؤمن بالمنتقم وتلاقي الانتقام تاني يوم تحس ان ايمانك علي كتير اوى
بقولك يا اميرة.. تفتكري في وجه علاقة بين اللى حصل وبين بداية رمضان؟؟
انا شخصيا شايفة فى الموقف هينت على انك تعيشي رمضان بقوة اوى
ومتسكتيش تاني يابنت
يأسك وصبرك بين ايديك وأنت حر
تيأس ما تيأس الحياة راح تمر
انا دقت من ده ومن ده عجبي لقيت
الصبر مر وبرضك اليأس مر
وعجبي
an on/off switch for sadness, forgiveness, and sleeping...my eternal dream
we dnt have switches, but at least that sorry he said means that he was so wrong...
glad that u're happy after all
and nice blog here gal
zy ma elsede3` 2alek (but at least that sorry he said means that he was so wrong...)
3agabetny 2wy elkseeda elly katabteha de ..t2reeban 2na 2reet.ha 2bl keda
w b3deen 2na mla7ez enena bnekteb bs nafs elosloob t2reeban .... ele5telafat bseeta 2wy 2wyyyyyy
2na fel nos sara7t w eftkart en da elblog bta3y :D
محمد ...
علي قد ما انا مقتنعة ان أقل حاجة هي كلمة آسف ، الا اني مكنتش متصورة انها ممكن تيجي من الحد دا
عشان كده مكنتش متصوراها
مي
انا متأكدة ان الموضوع له علاقة برمضان ، لأني كنت بدعيها من قلبي وبقوة جدا، ومش هسكت تاني لا تقلقي
سدغ
but at least that sorry he said means that he was so wrong...
عندك حق ..بس لما تبقي موجوع اوووي بتاخد فترة عقبال ما تتقبل الاعتذار
كلمة بيه الدراملي
سعيدة ان الحاجة الي كتبتها عجبتك، وسعيدة أككتر ان أسولبنا قريب من بعض
وسعيدة أكتر وأكتر انك سرحت وحسيت انك في البلوج بتاعك وعموما
:D البلوج بلوجك يا معلم
انا ليا الشرف يافندم انك تحس انك في بلوجك
رغم اني مش فاهم حاجة يا جيفارا
او الاصح اني مش فاهم بالضبط .. لكن ماعلينا
اولا كويس قوي انك رجعتي تاني تكتبي في البلوج وان شاء الله تكون اخر الانقطاعات
وثانيا : انا بس عايز اقول ان الكلمتين البنفسجي دول حلوين ومعبرين وفعلا مفيش حاجة تالم اكتر من سوء الاختيار وانك تعرف كده بعد فترة ليست بالقليلة
يالا سلام
ومستني كتابات تاني
ايمو العزيز ...
تلعبكات الموضوع تجعل الحديث عنه مبهم نيهاا
سيبك انت منورني و الله يا ابو صرصار انت !!
3la fekra sede3' we heyya maktooba bel3araby shaklaha we7esh awy, te7eseeha sheteema
awel marra a7'od baly
3al3omoom, mesh moshkela ennek te2baleeh, elmohem yeraya7ek
loooooooool , sorry wallahi makansh 2asdi ..
we 3moman men hena we rai7 haktebha bel E 3ahsan mesh tez3al
belnesba le mawdo3 el e3tzar ana fe3lan estrai7t bas mesh 3ashan e3tazar ...3ashan da3et rabena keter enoh yry7ani ...
sometimes we have the bless but still we keep searching 8-|
i have no clue of wat um sayin :D
lel2sf de eldonia..msh bs keda..danty sa3at btb2y enty elsabab fe enk t2lby mwag3 7d..we heya de kman elm2sah..rbna khl2na keda gahzen dayman lelfr7 we el7zn ba2al elmafate7 zy ma elsede3' 2alek keda...still ahm 7aga eny elyom entha bel2hyar l2ny da m3nah enk lessa kwaysa msh 3yana
احب اعيش...ولو اعيش في الغابات
اصحى كما ولدتني امي ..وابات
wenty aked 3arfa b2etha..juse live we e3rfy eny mafesh 7aga testahl 7r2et eldam
heeey frozen love
تعلقيك فكرني بموضوع كنت نسيته ...بس كويس اني افتكرته
انت فعلا كان عندك حق في كلامك لما قولت ان ربنا خلقنا اننا دايما مستعدين للحزن والفرح بشكل سريع
لأني في أول اليوم مكنتش تشوف عنيا من العياط ...وفي آخر اليوم كنت تشوف ضروسي من كتر الضحك ...
سيبك انت
منورني
da nork wlahy....we mstany your comments 3la my blog
* Expect the worse... Hope the best * Don't let ur past dictate who u r... but let it B part of who u will become... *
* Expect the worse... Hope the best * Don't let ur past dictate who u r... but let it B part of who u will become... *
ههههههههههههههههه
صديقتى انا حسيت فى البلوج بتاعك بنوع من الحزن و الاكتئاب المسيطر عليكى و الى مخلى ايامك زى بعضها بس الى عايز اقولهولك ان اجمل لحظه هى لحظه التصارح مع النفس و الاقرار باننا اخطائنا الاختيار لانها اللحظه الى بتنشلك من دوامه التشبث بالرأى و الانزلاق ورا الخطأ فى كبرياء احمق
مبروك ليكى اللحظه دى و انشاء الله متتكررش تانى
السلام عليكم ...بدون اى اعتراض على كلامك بس عايزك تاخدى بالك من حاجة ان كلمة اسف بتكون صعبة على ناس كتييييييير و مجرد قولها ليكى ممكن يكون فعلا اسف بجد ...و ده برضه رايك الشخصى و ربنا يوفقك
..
على فكرة انتى كنتى زى القمر على قناة (o tv)
و انا عرفت البلوجز بتاعتك من البرنامج ده و يارب تكون هى مش اكون دخلت حاجة غلط
تقبلى تحياتى :زيزو
كأول مرة فيها تجردت من ملابسك التنكرية
كأول مرة فيها رايتك كما انت
كم هو مفجع ان تكتشف أنك أخطأت الاختيار
نعم كم هو مفجع
ولكن كان المفجع اكثر هو الاستمرار
يارب تلاقي اللي يستاهلك
مدونتك بجد جامده
Post a Comment